·´†`· الصحوة القبطية ·´†`·

[center]بسم الاب والابن والروح القدس الاله الواحد امين

المسيح الهنا .. الحرية هدفنا .. الشهادة اكليلنا


    العصفوره المسكينه

    شاطر
    avatar
    noga
    ==========
    ==========

    عدد المساهمات : 382
    تاريخ التسجيل : 02/07/2009

    cross العصفوره المسكينه

    مُساهمة من طرف noga في 04.07.09 18:13

    العصفوره المسكينه



    كان فى عصفورة حلوة خالص دايما بتطير فى السما
    ودايما بتغنى وفرحانه وهى بتطير وحاواليها عصافير كتير
    ذيها فرحانين وبيطيروا فى السما
    وكان فى برضه فأر كان عايش على الارض لانه ميعرفش يطير


    وكانت الارض كلها طين ووحل وتراب , وكان الفار دايما


    زهقان ومتضايق حتى من نفسه لانه عايش وسط الطين اللى فى الارض دايما
    كان الفار دا بيشوف العصفوره دايما فرحانه وبتغنى

    , شكلها كان خلو خالص فعجبت الفأر ,
    والفأر حسدها على جمالها وصوتها وفرحتها
    , وقال اشمعنى انا عايش فى التراب والطين دا وهى فى السما بتطير

    وفرحانه ومبسوطه , لاء لازم انا اخدها تعيش معايا وتكون ذى على الارض
    جه فى يوم الفار كلم العصفوره وهى على الشجره من فوق


    وهو على الارض , وقالها ازيك يا عصفوره انتى صوتك حلو شكلك احلى

    بكتير ممكن اتعرف عليكى ؟
    العصفوره طيبه وقلبها ابيض وعلنياتها قالتله اكيد طبعا


    انا بأحب كل اللى حواليا علشان كدا ممكن اتعرف عليك ونكون اصحاب ,

    تعالى اطلع الشجره ونتكلم مع بعض
    رد الفأر وقالها لاء بلاش انا اللى اطلع الشجرة انزلى انتى


    لان ممكن وانا طالع اقع وانا مبعرفش اطير ممكن اموت لكن انتى


    معاكى جناحين حلوين ممكن تطيرى بيهم
    ردت العصفوره حاضر انا هأنزلك
    وفعلا نزلت العصفوره من فوق الشجرة على الارض وقعدت مع الفأر تتكلم معاها


    , وقعد الفأر يضحك معاها , واستمر الحال دا كذا يوم لحد ما العصفورة


    وثقت فى الفأر خالص وقالت الفأر دا كويس خالص وبجد صاحب حقيقى
    وفى
    يوم كالعاده راحت العصفوره للفأر وهى بتتكلم معاه عمل الفأر نفسه كأنه
    بيهزر

    معاها ومره واحده هجم على جناح العصفورة وكسره ,

    وصررخت العصفوره من الالم واتعجبت ليه الفأر بيعمل معاها كدا ,


    لكن الفأر مهمهوش كلامها وفضل يقصقص فى ريش جناح العصفوره


    علشان متعرفش تطير تانى ونزفت العصفوره دم وقعدت تبكى وتصرخ

    لكن كل العصافير اللى حواليها خايفين يقربوا ليها

    الفأر يهجم عليهم ذييها ومحدش قرب منها وسابوها
    فضل الفار يذل فى
    العصفوره المسكينه وكان كل فرحته انه يشوفها


    مذلوله قدامه ومتكونش فرحانه وبتغنى وتطير ذى ماكانت فى الاول .


    كانت العصفوره بتتعجب من الفأر والحقد اللى جواه من ناحيتها


    وليه بيحسدها على الفرحه اللى كانت فيها فضلت العصفوره المسكينه


    على الحال دا كتير لغاية ما بدأ ريشها يطلع من تانى , ومكنش الفأر


    واخد باله من كدا لان كل همه ان خلاص هى مش هتعرف تطير تانى


    لكن مكنش واخد باله ان الريش بيطلع تانى لان دا طبيعه العصفوره
    فضلت
    العصفوره مذلوله لحد ما جه يوم وخلاص الريش


    كله طلع تانى فى جناحها لكن علشان كان مكسور


    كانت كل ما الفأر يخرج كانت تدرب فى جناحها تانى انه يطير من جديد ,


    لحد ما فى مره طارت العصفوره , شافها الفأر قعد ينده عليها

    , قالتله خلاص انا اتعلمت ان مفيش اصحاب غير من نفس النوع

    بس يعنى انا عصفوره ملييش اصحاب غير من العصافير اللى ذى انا


    , وانت فأر اصحابك من الفيران اللى زيك بس ,


    والكسر اللى فى جناحى هيفكرنى دايما بغلطتى انى صدقت كلامك


    ونزلت من فوق لتحت . سيبت المكان اللى كنت عايشه فيه ونزلت لمكان مش مكانى

    ورجعت العصفوره تانى لفوق الشجره


    وهى بتتألم من كسر جناحها لكنها اطمنت انها رجعت لبيتها من تانى

    فهمتوا حاجه ؟؟ عرفتوا ايه مغذى القصه ؟؟؟
    avatar
    noga
    ==========
    ==========

    عدد المساهمات : 382
    تاريخ التسجيل : 02/07/2009

    cross رد: العصفوره المسكينه

    مُساهمة من طرف noga في 04.07.09 18:13

    بصوا يا جماعه .. الشجرة اللى كانت عايشه عليها العصفوره دى السما على الارض
    او الحياه الكنسيه وحضن الكنيسه اللى المفروض نعيش فيه دايما
    اما الارض اللى كان عايش عليها الفأر دى هو العالم بكل مرار وتعب والم فيه


    . الطين والتراب دا قذارة العالم واشواكه ,

    اما الفأر فدا كل انسان من اهل العالم , كل انسان بيحقد على اولاد المسيح وبيحسدهم

    على النعمه اللى هما عايشين فيها . انا اخترت الفأر للمثل دا

    دليل على ان احقر واحد او اقل انسان من اولاد العالم بيحقد على اولاد ربنا

    وبيتمنى انهم ميكونوش عايشين فى السما لكن يكونوا معاها على الارض
    العصفوره انا عايز اشبهها بكل بنت مسيحيه بالتحديد بيكون قلبها طيب وابيض


    بتصدق محبة اللى حواليها وبتصدق انها محبه اخويه او طاهرة ,

    لكن متعرفش ان ممكن يكون جواها محبة زايفه وحقد وكره
    لما قالت للفأر اطلع انت الشجرة , الفأر مرديش لان الشيطان واولاده


    ميقدرش يعيش فى وسط السمائيين هتنكشف محبته الزايفه ,

    على الرغم من انه ممكن يطله بمعنى انه ممكن يعيش فى السما وهو على الارض

    ويعيش نقاء السمائيين بس دا لو كانت نيته صافيه وقلبه صادق فى محبته
    لكن هو علشان ناوى يغدر مرديش يطلع وخلاها هى اللى تنزل
    نزولها من الشجره للأرض , هو تركها لحياتها وتركها حضن الكنيسه


    ومعايشتها لأولاد العالم وانها اتنازلت عن سلوكها لتعيش سلوك غير سلوكها

    . حتى لو كانت هى متعرفش او انضحك عليها
    كسر جناحها سامحونى لو قلت انه هو كسر عفتها , والسبب انها وثقت فى محبة زايفه


    . وثقت فى محبه شخص غير جنسها . هى عصفوره ازاى تصاحب فأر ؟؟
    قصقصة الريش دا ذلها من الفأر بعد ما كسر عفتها


    بأنه خلاص كل اللى عايزه عمله وخلاها تعيش معاها فى الطين

    بعد ما كانت عايشه فى السما
    لكن اهل العالم بينسوا ان سر النعمه دا عمل دائم فينا وجوانا


    وان ربنا مستحيل ينسى اولاده وبناته ختى لو اخطأوا وزاغوا وفسدوا ,

    لكن الريش لما بيدأ يطلع من تانى انا اقصد ان عمل النعمه اللى جوانا

    اتشغل فينا وقدم لينا امل اننا نرجع تانى لربنا

    ونقوم من سقطتنا ودا الشىء اللى بيغفله الشيطان حتى لو عرفوا

    بيخلينا نفقده او نيأس منه لكن العصفوره

    ميأستش اول ما حست بالذل وانها انكسرت خلت عمل النعمه فيها يشتغل

    واول ما الريش طلع هربت على طول

    ورجعت لبيتها ورجعت لحضن الكنيسه تانى لكن

    !!!! قالت ان كسر جناحها هيفكرها دايما ان مفيش محبة غير بين ابناء الجنس الواحد ,
    هى عصفوره تحب وتصاحب عصفور مش فأر


    دا تفسير بسيط للقصه



    لو عندكم تفسير تاني
    في انتظار ارائكم

    ربنا يحافظ علي كل ولااده

      الوقت/التاريخ الآن هو 25.09.17 19:37